Məxfilik Siyasəti
Ümumi müddəalar
Bu məxfilik siyasəti "U-NET" Platformasının istifadəçilərinin və ziyarətçilərinin fərdi məlumatlarının toplanılmasını, istifadə edilməsini, saxlanılmasını və qorunmasını tənzimləyir.
Bu Məxfilik siyasəti Azərbaycan Respublikasının "Fərdi məlumatlar haqqında" Qanununa və digər müvafiq qanunvericilik aktlarına istinadən hazırlanmışdır. Platforma, istifadəçilərin və ziyarətçilərin fərdi məlumatlarının işlənilməsi üzrə müvafiq qanunvericiliyə əsasən məsuliyyət daşıyır.
Fərdi məlumatları işləməkdə məqsəd
Platforma fərdi məlumatları kontekstinə uyğun olaraq xidmətlərin (Süni intellekt vasitəsilə kontent yaradılması) təqdim edilməsi və öhdəliklərinin icrası məqsədi ilə işləyir. Qanunvericilikdə nəzərdə tutulmamış məqsədlər üçün istifadə etmək niyyətində deyil və bununla bağlı məsuliyyət daşıyır.
İstifadə edilmiş əsas anlayışlar
- Fərdi məlumatlar – şəxsin kimliyini birbaşa və ya dolayısı ilə müəyyənləşdirməyə imkan verən istənilən məlumat.
- Fərdi məlumatların subyekti – barəsində fərdi məlumatlar toplanılan, işlənilən və mühafizə edilən fiziki şəxs (İstifadəçi).
- Əməliyyat – Platforma üzərindən təqdim edilən xidmətlərdən istifadə (AI modellərinin işə salınması, ödənişlər).
- Son istifadəçi – Platformada qeydiyyatdan keçmiş və xidmətlərdən yararlanan şəxs.
Fərdi məlumatların toplanılması və işlənilməsi
Məlumatların toplanılması və işlənilməsi Platformadakı istifadəçi fəaliyyətinə uyğun olaraq həyata keçirilir:
- Qeydiyyat Məlumatları: İstifadəçi Platformada qeydiyyatdan keçərkən təqdim edilən Ad, Soyad və Elektron poçt ünvanı toplanılır və istifadəçinin autentifikasiyası üçün işlənilir. Platforma qeydiyyat zamanı telefon nömrəsi tələb etmir.
- Ödəniş Əməliyyatları: Ödənişlər tərəfdaş ödəniş sistemi (Epoint) vasitəsilə həyata keçirilir. Platforma bank kartı məlumatlarını (PAN, CVV) birbaşa saxlamır. Yalnız ödənişin statusu və əməliyyat identifikatorları saxlanılır.
- Texniki Məlumatlar: Xidmət səviyyəsinin artırılması və təhlükəsizlik məqsədilə texniki server qeydləri (IP ünvanı, giriş vaxtı, brauzer növü) avtomatik toplanıla bilər.
- Süni İntellekt (AI) Məzmunu: İstifadəçinin daxil etdiyi mətnlər (prompts) və yaradılan kontent (şəkillər, videolar) xidmətin göstərilməsi məqsədilə işlənilir.
Fərdi məlumatların saxlanılması və mühafizəsi
Toplanılan fərdi məlumatlar müvafiq qanunvericiliyə əsasən mühafizə edilərək mümkün olan ən uzun müddətdə (və ya qanunvericiliklə müəyyən edilmiş müddətdə) saxlanılır. Platforma ən yaxşı təcrübələrə əsaslanan texniki infrastruktur və informasiya təhlükəsizliyi sistemlərini tətbiq edir (məlumatların şifrələnməsi, təhlükəsiz bağlantı - SSL).
Fərdi məlumatların ötürülməsi
Fərdi məlumatların xidmətlərin göstərilməsi məqsədi ilə istifadəçi ilə razılaşdırılmaqla Partnyorlara (ödəniş sistemləri, bulud infrastrukturu təminatçıları) ötürülməsi istisna edilmir. Üçüncü tərəflərə marketinq məqsədi ilə məlumat ötürülmür.
Məxfilik siyasətinin yenilənməsi
Məxfilik siyasəti daim yenilənə bilər. Düzəlişlər edildikdə istifadəçilər Platforma vasitəsilə məlumatlandırıla bilər. Siyasətin ən son versiyası həmişə bu səhifədə mövcud olacaq.
Subyektin hüquqları
Fərdi məlumatların subyektinin (Sizin) fərdi məlumatlarının toplanmasına icazə verməmək, artıq toplanmış məlumatların məhv edilməsinə (hesabın silinməsi) dair tələb irəli sürmək və bununla bağlı Platformaya müraciət etmək hüququ var.
Əlaqə
Fərdi məlumatların mühafizəsi və ya bu siyasət ilə bağlı hər hansı sualınız varsa, bizimlə əlaqə saxlaya bilərsiniz:
- E-poçt: support@u-net.tech
- Telefon: +994 50 592 78 17